“Mbështetje e madhe nga Kongresi amerikan”- Berisha: Joe Wilson dhe Keith Self i kërkuan Marko Rubios sanksionimin e Ramës dhe Ballukut! Të gjithë do jeni në burg si Lubia

Kreu i PD Sali Berisha foli sot mes tensioneve në nisje të seancës parlamentare.

Berisha u shpreh se një mbështetje e madhe për protestën studentore ka ardhur nga Kongresi amerikan, me dy kongresmenët Joe Wilson dhe Keith Self.

Ata i kanë kërkuar sekretarit Rubio, sanksionimin e Edi Ramës dhe Belinda Ballukut.

Berisha: Të dashur qytetarë dhe qytetare, një mbështetje e madhe vjen Kongresi i SHBA.

Dy kongresmenë ndër më të shquarit të atij vendi i dërgojnë një letër sekretarit Rubio.

Kongresmeni Joe Wilson, kryetar i Komisionit të Helsinkit në Kongresin amerikan dhe kongresmeni Keith Self.

Në këtë letër ata kërkojnë sanksionimin e Edi Ramës.

Ata kërkojnë sanksionimin e Lubi Ballukut.

E di si do shkoni ju pas Lubisë, njëri pas tjetrit.

E keni parasysh legjendën që kur i prekte zana, shndërroheshin në gurë. Ju do shndërroheni në të burgosur.

Ju u ka peng Lubia.

Pra, ju u ka prekur Lubia, të gjithë do jeni në burg si Lubia.

Mos e mbroni Padrinon, mos e mbroni një kriminel, një shpirt xhelat.