“Mbi 5 mijë shqiptarë të larguar në 6 muaj”, Tabaku: Qeveria nuk u jep shpresë

Deputetja demokrate Jorida Tabaku ka shprehur shqetësimin për largimin e shqiptarëve nga vendi. Me anë të një postimi në rrjetin social Facebook, Tabaku shkruan se në 6-muaj, janë larguar nga Shqipëria më shumë se 5 mijë qytetarë dhe kjo sipas saj lidhet me faktin se qeveria nuk u jep shpresë.

“Mbi 5000 mijë shqiptarë janë larguar vetëm këtë 6 mujor. Po ikin nga sytë këmbët megjithëse nuk jemi në luftë civile apo konflikt i armatosur. Po ikin pa kthyer kokën pas. Pse? Shqiptarët ikin sepse qeveria në rradhë të parë, ky parlament së dyti e politika në përgjithësi nuk ofron e nuk jep shpresë! E kemi kthyer shpresën në një rreng që na kthen pas në kohë, të njëjtat emra, të njëjtat premtime, e njëjta fabul! Shqiptarët nuk janë budallenj!”, shkruan Tabaku.

/rtsh.al/