Vëmendja e faktorit ndërkombëtar duket se është vendosur në SHBA dhe Venezuelë, aty ku pak ditë më parë u realizua edhe rrëmbimi i presidentit Nicolas Maduro.
LEXO EDHE: Maduro përpara gjykatës/ Kush është 92-vjeçari që i është caktuar çështja e presidentit venezuelian
Në seancën e jashtëzakonshme të Këshillit të Sigurimit të OKB-së, nënsekretarja e përgjithshme, Rosemary DiCarlo, ka lexuar një deklaratë në emër të sekretarit të Përgjithshëm, Antonio Guterres.
Duke iu referuar veprimeve të SHBA-së në Venezuelë, Guterres thotë se është i shqetësuar që “rregullat e së drejtës ndërkombëtare nuk janë respektuar”.
“Jam thellësisht i shqetësuar për intensifikimin e mundshëm të paqëndrueshmërisë në vend, ndikimin e mundshëm në rajon dhe precedentin që mund të krijojë për mënyrën se si zhvillohen marrëdhëniet midis shteteve”, thuhet ndër të tjera në deklaratën e Guterres.
LEXO EDHE:
“Na duhet patjetër”/ BE reagon pas deklaratave të Trump për Groenlandën: Mbrojmë parimet e sovranitetit kombëtar
Guterres u bëri thirrje të gjithë aktorëve venezuelianë të angazhohen në një dialog gjithëpërfshirës dhe demokratik, duke shtuar:
“Unë mirëpres dhe jam i gatshëm të mbështes të gjitha përpjekjet që synojnë të ndihmojnë venezuelianët në gjetjen e një rruge paqësore përpara.”
Ai shprehu gjithashtu shqetësim se operacioni i SHBA-së për të kapur Maduron në Karakas nuk respektoi rregullat e së drejtës ndërkombëtare.
