Mblidhet kuvendi i Shqipërisë, do votohen ndryshimet në Buxhetin e Shtetit

Tiranë, 28 shtator NOA-Kuvendi i Shqipërisë ka nisur të hënën pasdite seancën e tij të radhës ku në rend të ditës është votimi i ndryshimeve në buxhetin e shtetit.

Deputeti i Partisë Demokratike, Edmond Spaho ka bërë një përmbledhje të ndryshimeve të propozuara në projektligjin e miratuar nga Komisioni Parlamentar i Ekonomisë.

Ai ka theksuar se këto ndryshime do të lehtësojnë barrën fiskale.

Komisioni parlamentar i Ekonomisë, miratoi përpara një jave, vetëm me votat e mazhorancës, ndryshimet në buxhetin 2009, të propozuara nga qeveria.

Drafti parashikon rialokim të fondeve, por edhe një ulje të të ardhurave buxhetore të planifikuara me 10 miliardë lekë.