Mbretëria e Bashkuar i jep statusin e plotë diplomatik ambasadorit të BE-së

Britania e Madhe i ka dhënë status të plotë diplomatik ambasadorit të Bashkimit Evropian në vend, në një përmbysje të politikës që zgjidh një nga mosmarrëveshjet që kanë tensionuar marrëdhëniet midis të dy palëve që nga Brexit.

Në një deklaratë të përbashkët të mërkurën, Sekretari i Jashtëm Britanik, Dominic Raab dhe diplomati i lartë i BE, Josep Borrell, thanë se ata kishin arritur një marrëveshje që ishte “bazuar në vullnetin e mirë dhe pragmatizmin”.

Sipas të ashtuquajturës “Marrëveshje Themelimi për Delegacionin e BE-së në Mbretërinë e Bashkuar”, ambasadori i BE-së në Londër tani do të ketë një status.

Stafi i BE do të ketë gjithashtu të njëjtat privilegje që kanë delegacionet e tjera në Mbretërinë e Bashkuar.

Ndryshimet sjellin fundin e marrëdhënieve të acaruara që kur Mbretëria e Bashkuar u largua nga BE në fillim të vitit 2020.

Mbretëria e Bashkuar kishte kërkuar të justifikonte vendimin e saj për të mos dhënë status të plotë diplomatik João Vale de Almeida, ambasadori i parë i bllokut në Londër, me arsyetimin se BE nuk është një shtet edhe pse vendet e tjera i japin asaj letra kredenciale të barasvlershme.