Mbyllet raundi i 34-t në Superiore, ekipet e mbijetesës fitojnë ndaj pretendentëve

TIRANË, 2 maj /ATSH/ Raundi i 34-t i Kategorisë Superiore prodhoi rezultate surprizuese, ku skuadrat në luftën për mbijetesë kanë arritur fitore ndaj ekipeve pretendente për kreun.

Tirana siguroi një fitore minimale 1-0 në transfertë ndaj Teutës, në një duel direkt për mbijetesë. Goli i Haxhiut në minutën e 77-të i dha tre pikë bardhebluve, të cilët ngjiten në vendin e shtatë me 38 pikë, po aq sa Teuta e vendit të gjashtë, duke e bërë garën për mbijetesë edhe më të ashpër.

Një tjetër rezultat surprizë u shënuan në ndeshjen Vllaznia-Bylis, ku miqtë fituan me rezultatin 0 me 2. Ballshiotët mbajnë vendin e nëntë me 38 pikë, ndërsa shkodranët renditen në vendin e dytë me 60 pikë, pas kryesuesve të Elbasanit.

Ndërkohë, Vora mposhti 4-2 Elbasanin, duke u ngjitur në vendin e tetë me 38 pikë, tre më shumë se Flamurtari.

Nga ana tjetër, Flamurtari triumfoi 4-1 ndaj Partizanit, ndërsa Dinamo City fitoi 2-0 ndaj Egnatias, duke u ngjitur në vendin e katërt me 48 pikë.

/m.q/a.f/