Mbyllet sesioni, jashte reformat

TIRANE - Projektligjet dhe reformat me te rendesishme shtyhen nga Kuvendi per t'u shqyrtuar dy muaj me vone, ne sesionin e ardhshem parlamentar ne shtator. Premtuan shume, por nuk munden t'ia dalin, dy forcat e medha politike, PD-PS, per te miratuar nisma ligjore e realizuar reforma te rendesishme, si ajo zgjedhore, apo ne sistemin e drejtesise. Kete e pohuan dje dhe anetaret e Komisionit te Posacem te reformes zgjedhore. Spartak Braho nuk mundi te fshehe me faktin se reforma do te rinise ne shtator, pasi puna me hartimin e ligjit te ri zgjedhor eshte shume prapa. Ne mbledhjen e djeshme, anetaret diskutuan mbi modelin e fletes se votimit. E ne parim, me shumice votash, vendosen qe ne fleten e votimit, pervec emrit dhe sigles se partise qe konkurron, te jete dhe fotoja e kryetarit te partise. Po keshtu, anetaret vendosen qe lejojne dhe daljen si koalicione ne zgjedhje, ku ne flete te shenohen siglat e te gjitha partive. Jashte ketij sesioni mbeten shume projekte te tilla te rendesishme si ai per hapjen e dosjeve. Me nje vendim te tille duket se jane pajtuar dy forcat e medha politike qe ne dy seancat e mbetura parlamentare per kete muaj, do te merren me te tjera projektligje. Ne kalendarin e punimeve te Kuvendit per ditet e mbetura eshte percaktuar se do te diskutohet dhe votohet dhe per projektin "Per demshperblimin e te demtuarve nga tragjedia e ndodhur ne Gerdec, Vore", por dhe ai duket se nuk mund te shqyrtohet, pasi deri me sot nuk eshte diskutuar ne asnje komision parlamentar. Kryetarja e Kuvendit, Jozefina Topalli, ka vendosur qe te shfrytezoje te gjitha ditet e ketij muaji deri me 31 korrik, per te miratuar projektet e prapambetura, por sherret e perplasjet e diteve te fundit duket se nuk do te lejojne kalimin e shume prej tyre. Seanca e sotme plenare do t'i kushtohet teresisht debateve mbi buxhetin suplementar te shtetit per gjashte muajt e ardhshem. Mirepo, me shume sesa diskutime per menyren e shperndarjes se fondeve, deputetet do te perplasen per incidentin me te fundit parlamentar, ate te perjashtimit te deputetit socialist, Taulant Balla, per shkak te sherrit me Kryeministrin Sali Berisha. Ne ceshtjet jashte rendit te dites, te zgjedhurit do te debatojne ashper mbi sjelljen brenda seancave plenare, fyerjet e shkeljen e etikes. Per t'i lene per me pas debatet per votimin nen per nen te buxhetit suplementar te shtetit. Buxheti suplementar eshte diskutuar brenda nje jave ne te gjitha komisionet parlamentare me shpejtesi, per te kaluar ne kete sesion parlamentar. Rozeta Rapushi

Reforma zgjedhore

Dy partite e medha politike, PD-PS, premtuan se do te hartojne nje ligj zgjedhor brenda muajit korrik. Por, ne fakt, anetaret e komisionit te posacem te reformes zgjedhore, nuk kane ende nje draft te plote per zgjedhjet, e aq me pak te nisin diskutimet.

Reforma ne drejtesi

Shume here u perfol ne Kuvend gjate ketij sesioni parlamentar se do te vijoje puna me reformen ne drejtesi. Nderkohe qe, pervec miratimit me konsensus te ligjit per gjyqesorin, forcat politike nuk kane mundur te ecin me perpara ne kete proces.

Hapja e dosjeve

Me konsensus, forcat e medha politike shtyne dhe diskutimet mbi projektligjin per hapjen e dosjeve te ish-bashkepunetoreve te sigurimit te shtetit. Nisme qe synonte zbulimin e ish-bashkepunetoreve, qe ende kane poste kyce ne administrate e largimin e tyre.

Pasurite

Ne udhekryq duket se eshte dhe Inspektorati i Larte i Deklarimit te Pasurive. Mandati i kryeinspektores Fatmira Laskaj perfundoi qe me 10 korrik e ndonese Presidenti ka propozuar dy emra per zevendesimin e saj, Kuvendi ende nuk ka marre nje vendim.