Me Tobin Tax Europa kursen miliarda euro

Ka shenja të mëdha stabiliteti në Europë por kriza nuk ka kaluar, nuk ka ende vend për t’u kënaqur. Kështu është shprehur presidenti i KE Jose Manuel Barroso, në Parlamentin Europian gjatë prezantimit të projektbuxhetit europian shumëvjecar 2014-2020. gjatë diskutimit të tij përpara eurodeputetëve Barroso ka përcaktuar prioritetet për rritjen duke theksuar se bilanci i BE është një bilanc investimesh në shtetet anëtare dhe jo i shpenzimeve për Brukselin. Sipas tij buxheti i ardhshëm shumë vjecar i BE duhet të financohet me më pak kontribut nga vendet anëtare dhe me një sistem burimesh të veta. Këto burime sipas barrosos lidhen me taksën mbi transaksionet financiare si dhe modernizimin e tatimit mbi vlerën e shtuar.presidenti i KE ka theksuar se sektori bankar në Europë është i taksuar më pak sec duhet dhe një kontribut i këtij sektori për daljen nga kriza do të ishte edhe një cështje barazie. Me taksën mbi transaksionet bankare apo të ashtuquajturën Tobin tax mund të reduktohen kontributet e shteteve anëtare me 50% ka thënë Barroso. Ai ka shtuar se do të ishte mirë që një pjesë e mirë e kontributeve kombëtare për buxhetin europian të zëvendësohej me paratë e sektorit financiar. Aktualisht nga buxhetet kombëtare vjen 84% e bilancit vjetor të BE. Dhe me aplikimin e Tobin tax shtetet anëtare të BE do të arrinin të kursenin deri në vitin 2020, sipas KE, 54,226 miliardë euro.