Mediat e Prishtinës: Berisha po përzihet në punët e brendshme të Kosovës

Zyra e shtypit të Këshillit të Ministrave ndryshon komunikatat në faqen e saj zyrtare. Lexoni si u transformuan tërësisht deklaratat për shtyp

Prishtinë, 13 gusht NOA - Pasi e bindi Ramush Haradinajn se është politikan i djathtë, Kryeministri i Shqipërisë Sali Berisha tashmë i konfirmoi dhe LDK-së së është lidere e së djathtës në Kosovë.

Kështu komenton sot gazeta Express ndër kryesoret e tregut mediatik kosovar, takimet që kryeministri shqiptar ka kryer me përfaqësues të Lidhjes Demokratike të Kosovës, një ditë më parë në Tiranë.

Më tej, e përditshmja e Prishtinës, shtron pyetjen: Por kush i jep të drejt Kryeministrit Berisha që më kaq pasion të përzihet në politikën e brendshme në Kosovë dhe sipas kujt Berisha është barometër i përcaktimit të politikave të djathta. Përndryshe, ai është në shtrat me një parti majtiste.

Sipas medias kosovare, Kryeministri i Shqipërisë, Sali Berisha ka shfaqur indikacione për tu përzier në zgjedhjet e sivjetme lokale në Kosovë, duke u pozicionuar qartësisht krahë partive të deklaruara si të Djathta.

Ditë më parë Berisha takoi Liderin e AAK-së, Ramush Haradinajn, me të cilin nënshkroi një memorandum bashkëpunimi, derisa qershizën mbi tortë Kryeministri shqiptar e vuri të mërkurën, në një takim me drejtuesit e LDK-së.

Në komunikatat për media që lëshuan Këshilli i Ministrave i Republikës së Shqipërisë dhe Kryesia e LDK-së, shfaqet dëshira e Kryeministrit shqiptar që LDK të fitojë në zgjedhjet e 15 Nëntorit.

Sot, në Tiranë, Kryetari i Partisë Demokratike të Shqipërisë, njëherësh Kryeministër i Republikës së Shqipërisë, dr. Sali Berisha, rikonfirmoi mbështetjen e tij të parezervë për zhvillimin e mëtejmë të Lidhjes Demokratike të Kosovës dhe interesimin e tij të thellë që LDK-ja, si parti lideriste e djathtë në Kosovë, ti fitojë zgjedhjet e ardhshme lokale dhe parlamentare, thuhet në një komunikatë për media të LDK-së, të lëshuar pas takimit të Kryeministrit Berisha me drejtuesit e LDK-së - Nënkryetarët Eqrem Kryeziun dhe Lutfi Hazirit dhe Sekretarin e Përgjithshëm Ramë Manajn.

Nëse mund ti besohet citimit të drejtë të deklaratave të Kryeministrit Berisha nga ana e Zyrës për Informim të LDK-së, atëherë ky është rasti i parë kur politikanët e Shqipërisë deklarohen hapur në mbështetje të një partie politike, - komenton Express.

Në komunikatën e Këshillit të Ministrave të Republikës së Shqipërisë, ndërkaq, nuk thuhet direkt se Kryeministri Berisha ka shfaqur dëshirën e tij që zgjedhjet e sivjetme lokale ti fitoi LDK. Por edhe aty, ai jep mendimet e tij për proceset që do ti ndihmonin rimëkëmbjes së LDK-së.

Më tej, biseda u përqendrua në bashkëpunimin midis dy partive politike, Partisë Demokratike të Shqipërisë dhe Lidhjes Demokratike të Kosovës, ku Kryeministri Berisha shprehu gatishmërinë e tij për ti dhënë LDK-së ndihmë pa rezervë, sikurse vuri theksin në nevojën e bashkimit të grupimeve të ndryshme politike në Kosovë si mënyra më e mirë që LDK-ja të arrijë rezultate pozitive, thuhet në komunikatën e Qeverisë së Shqipërisë.

Me bashkim të grupimeve të ndryshme politike, Kryeministri Berisha duket se nënkupton bashkimin e subjekteve politike në Kosovë, të deklaruara si parti të Djathta, siç është LDD apo AAK, komenton Express.

Sali Berisha gëzon një reputacion të jashtëzakonshëm në Kosovë, që nga koha kur hyri në politikë, në fillim të viteve 90. Ai është parë gjithnjë me simpati në Kosovë, ndryshe nga kundërshtarët e tij të Majtë në Shqipëri.

Në këtë kontekst tingëllon edhe komunikata e LDK-së.

Ata theksuan po ashtu përkushtimin e LDK-së që të punojnë në jetësimin e mëtejmë të konceptit të djathtë politik, të trashëguar nga veprimi i saj më se njëzetvjeçar, si dhe angazhimin e saj, sikur edhe më herët, për bashkëpunim me të gjitha partitë politike shqiptare, veçanërisht me partitë e djathta politike, thuhet në komunikatë.

Si në komunikatën e LDK-së, ashtu edhe në atë të Qeverisë së Shqipërisë, flitet për rëndësinë e bashkëpunimit mes dy vendeve, e ku qeveritë janë lehtësuese, e jo penguese të këtij bashkëpunimi.

Dy qeveritë, tha Kryeministri, duhet të shërbejnë si dy mundësi dhe jo si pengesa për qytetarët dhe se duhet të merren veprime konkrete në njehsimin e sistemit të doganave, financave, arsimit, etj., me modelin e vendeve të Bashkimit Europian. Kryeministri theksoi se kombi duhet të ndjehet një, duke respektuar pavarësinë e Kosovës, thuhet në komunikatën e Qeverisë së Shqipërisë.

Në përfundim të raportit të saj, Express konkludon se partitë politike në Kosovë, sidomos LDK dhe AAK, po përpiqen ta shfrytëzojnë reputacionin e madh që ka Sali Berisha në Kosovë për të mbledhur vota.

Si u ndryshuan deklaratat:

Më tej, biseda u përqendrua në bashkëpunimin midis dy partive politike, Partisë Demokratike të Shqipërisë dhe Lidhjes Demokratike të Kosovës, ku Kryeministri Berisha shprehu gatishmërinë e tij për ti dhënë LDK-së ndihmë pa rezervë, sikurse vuri theksin në nevojën e bashkimit të grupimeve të ndryshme politike në Kosovë si mënyra më e mirë që LDK-ja të arrijë rezultate pozitive, thuhet në komunikatën e Qeverisë së Shqipërisë.

Kurse varianti i ndryshuar pak orë më vonë, ishte: Më tej biseda u përqëndrua në bashkëpunimin midis dy forcave politike, Partisë Demokratike të Shqipërisë dhe Lidhjes Demokratike të Kosovës. Kryeministri shprehu gadishmërinë për të bashkëpunuar me LDK-në, në traditën e bashkëpunimit midis dy forcave politike, sikurse kërkoi mirëkuptim për vendosmërinë e tij për të mbetur i hapur për bashkëpunim me të gjitha forcat politike të Kosovës, pasi ky është qëndrimi që përshtatet me interesin më të mirë të bashkëpunimit midis dy vendeve dhe interesit kombëtar.

/a.b/NOA/

Komentoni lajmin më poshtë:

var _JOOMLACOMMENT_MSG_DELETE = "Are you sure you want to delete this comment?"; var _JOOMLACOMMENT_MSG_DELETEALL = "Are you sure you want to delete all comments?"; var _JOOMLACOMMENT_WRITECOMMENT = "Shkruaj nje koment"; var _JOOMLACOMMENT_SENDFORM = "Posto"; var _JOOMLACOMMENT_EDITCOMMENT = "Edit comment"; var _JOOMLACOMMENT_EDIT = "Edit"; var _JOOMLACOMMENT_FORMVALIDATE = "Ju lutemi shkruani ne hapesiren e komentit"; var _JOOMLACOMMENT_FORMVALIDATE_CAPTCHA = "Ju lutemi shkruani kodin anti-spam qe shihni ne imazh"; var _JOOMLACOMMENT_FORMVALIDATE_CAPTCHA_FAILED = "Kodi anti-spam u shkrua gabim. Ju lutemi shkruani kodin anti-spam qe shihni ne imazh"; var _JOOMLACOMMENT_FORMVALIDATE_EMAIL = "To be notified, please enter your email"; var _JOOMLACOMMENT_ANONYMOUS = "Anonymous"; var _JOOMLACOMMENT_BEFORE_APPROVAL = "Your comment has been queued for moderation by site administrators and will be published after approval."; var _JOOMLACOMMENT_REQUEST_ERROR = "Request failed"; var _JOOMLACOMMENT_MSG_NEEDREFRESH = ""; jQuery.noConflict(); Komente Shto komentin tend jQuery(document).ready(function(){ jQuery("a.JOSCJQstretchertoogleFORM").click( function(){ jQuery("#JOSCJQstretcherFORM").slideToggle(500); return false; } ); }); Shkruaj nje koment Emri: Email: (jo i detyruar)   Titulli: