Mediat spanjolle: Atletico paralajmëron Romën, për Raspadorin duhen 22 milionë euro

Vetëm pak ditë para hapjes së afatit kalimtar, negociatat për rikthimin e Giacomo Raspadori në Itali mund të jenë në kulmin e tyre, me Romën që synon ish-lojtarin e Napolit për të forcuar një sulm që po vuan qartë. Sipas Marca-s, Atlético Madrid, që e bleu Raspadori-n gjatë verës, nuk ka nevojë ta shesë sulmuesin dhe është plotësisht i kënaqur me të, pavarësisht se koha e tij e lojës nuk i përmbush pritshmëritë.

Por nëse Raspadori këmbëngul për një transferim, klubi spanjoll do të merrte në konsideratë vetëm një huazim me detyrim blerjeje, për një total prej 22 milionë eurosh. Nëse vlerësimi është i njëjtë me atë të Romës, problemi, sipas Marca, është formula. Verdhekuqtë, në fakt, thuhet se kanë ofruar 2 milionë euro për huazimin dhe 20 milionë euro për opsionin për ta blerë.