Merr flakë trageti i linjës Korfuz-Sarandë
Tiranë, 12 gusht - Panik në tragetin e linjës Korfuz-Sarandë rreth orës 18:00 të pasdites së të enjtes, pas zjarrit të rënë në një nga motorët e tragetit.
Lajmi u bë i ditur nga vetë pasagjerët, të cilët të tmerruar telefonuan në televizionin News24. Pasagjerët treguan se trageti Kaliopi Finikas ndodhej në ujërat greke në momentin kur në njërin nga motorët u vunë re shtëllunga tymi.
Mësohet se pjesëtarët e ekuipazhit arritën të shuajnë zjarrin, ndërsa mjeti mbërriti në Sarandë duke lundruar vetëm me një motor.
“Nuk kishte asnjë mjet sigurie, në traget u përhap alarmi. Gjithë rrugën e kemi i bërë me një motor, madje trageti anonte. Nga të gjitha anët dëgjoheshin fëmijë që qanin e gra që ulërinin”, rrëfen njëri nga pasagjerët gjatë një komunikimi telefonik në News24.
Fatmirësisht të gjithë pasagjerët zbritën në Sarandë dhe nuk pati asnjë të lënduar.
Lajmi u bë i ditur nga vetë pasagjerët, të cilët të tmerruar telefonuan në televizionin News24. Pasagjerët treguan se trageti Kaliopi Finikas ndodhej në ujërat greke në momentin kur në njërin nga motorët u vunë re shtëllunga tymi.
Mësohet se pjesëtarët e ekuipazhit arritën të shuajnë zjarrin, ndërsa mjeti mbërriti në Sarandë duke lundruar vetëm me një motor.
“Nuk kishte asnjë mjet sigurie, në traget u përhap alarmi. Gjithë rrugën e kemi i bërë me një motor, madje trageti anonte. Nga të gjitha anët dëgjoheshin fëmijë që qanin e gra që ulërinin”, rrëfen njëri nga pasagjerët gjatë një komunikimi telefonik në News24.
Fatmirësisht të gjithë pasagjerët zbritën në Sarandë dhe nuk pati asnjë të lënduar.