Messi dhe Ronaldo në të njëjtën skuadër, e organizon… Tevez!

Cristiano Ronaldo dhe Lionel Messi duke luajtur së bashku në të njëjtën skuadër, është e mundur. Carlos Tevez mund ta bëjë ëndrrën e shumë tifozëve realitet. Tevez, i cili luajti me të dy, po organizon ndeshjen e tij të lamtumirës në Bombonera dhe do të donte që dy yjet të ishin përkrah tij në stadiumin e famshëm të Boca Juniors.

“Leo Messi dhe Cristiano Ronaldo do të jenë atje, do t’i marr personalisht nëse është e nevojshme. Kam informacionin e kontaktit të të dyve në WhatsApp”, tha ish-lojtari i Juventusit, i cili synon të telefonojë edhe Pirlon e Buffon, siç raporton ABola.