Mesuesit, neser provim per rritjen e pages

Ata qe deri sot kane provuar dijet e mijera nxenesve, neser do te ulen ne vend te tyre. Jane rreth 300 mesues ne Tirane dhe qindra te tjere neper rrethe, te cilet mengjesin e neserm do te rreshtohen neper banka, ku do te plotesojne testet e pergatitura. Sipas specialisteve te Drejtorise Arsimore te Tiranes, kushti qe ata te futen ne provim, eshte qe te kene plotesuar vjetersine e punes, sipas 3 shkalleve te kualifikimit deri me 31 dhjetor te vitit te kaluar. Udhezimi i ministrit te Arsimit, Genc Pollo, ka percaktuar diten e neserme, pra 29 mars per kete atestim me goje. Pas provimit, do te percaktohet edhe shkalla e kualifikimit, pas se ciles mesuesit do te mund te perfitojne edhe shtesen e pages ne masen 10 dhe 20 per qind. Udhezimi perfshin te gjitha drejtorite arsimore rajonale, ku do te zhvillohet provimi ne fund te muajit mars. Atestimi do te jete i vlefshem vetem per punonjesit qe plotesojne vjetersine ne sistemin arsimor parauniversitar, per vitin mesimor 2007-2008. Kualifikimi i punonjesve qe kane vjetersine e duhur ne arsimin parauniversitar per vitin 2008 do te behet nepermjet provimeve dhe portofolit personal te zhvillimit profesional. Sipas udhezimit, ne keto provime te perfshihen punonjesit e sistemit te arsimit publik dhe jopublik me diplome dhe pas diplome mesuesie. Te kjo kategori perfshihen mesuesit pa diplome mesuesie, por me arsim te larte, te cilet japin lendet profesionale, ne perputhje me profilin, ne shkollat e mesme profesionale ose te pergjithshme dhe kane kontrate individuale pune. Gjithashtu, kane te drejten t’i nenshtrohen provimit me goje edhe mesuesit pa diplome mesuesie, qe kane kryer shkollen e mesme artistike ose Akademine e Arteve dhe japin lendet e edukimit muzikor, ose te edukimit figurativ. Nese nje kandidat nuk merr pjese ne kualifikim per shkaqe rastesore ose nuk kualifikohet, ka te drejte te marre pjese ne provimin e vitit pasardhes. Aktualisht, shkallet e karrieres se mesuesve jane me numra, pra me kohezgjatjen e tyre. Keshtu, shkalla e trete e karrieres perkon me kohezgjatjen si arsimtar nga 5 deri ne 9 vjet, shkalla e dyte e kualifikimit nga 10 deri ne 19 vjet dhe shkalla e pare, nga 20 e me shume vjet. Ndersa pas nje reformimi, qe pritet te ndodhe ne sistemin e zhvillimit profesional te mesuesve, do te kete emertime me tituj. Keshtu, mesues fillestare do te jete titulli i mesuesve, te cilet sapo kane marre diplomen universitare te mesuesise, ndersa per shkallet e siperpermendura do te jene perkatesisht: “Mesues”, ose “mesues i licencuar” per shkallen e trete, “mesues specialist” per shkallen e dyte dhe “mesues mjeshter” per shkallen e pare. Pas titullit mesues mjeshter, mesuesi do te kete detyrimin te ndjeke disa module qe kane te bejne me te rejat e domosdoshme shkencore te mesimdhenies-mesimnxenies.

Pyetjet, per anen shkencore dhe metodike

Programi per fitimin e shkalleve te kualifikimit te mesuesve ne arsimin parauniversitar ai eshte pak a shume i njejte per te gjithe. Ne dy pika do te perqendrohen pyetjet qe do t’u drejtohen atyre: Behet fjale per anen shkencore dhe ate metodike te lendes. Testi i mesuesve do te jete i specifikuar sipas profilit te tij. Pyetjet e testit do te kene shume ndryshime per nje mesues te letersise, gjeografise, matematikes, apo mesues te nje lende tjeter. nje rendesi te vecante paraqet edhe strategjia e zhvillimit te Arsimit Parauniversitar 2004-2015.