Meta: LSI dëshiron zgjedhje të lira dhe të qeta

Pas takimit të mbajtur ditën e sotme ndërmjet kreut të Partisë Socialiste Edi Rama dhe ambasadorit amerikan Aleksandër Arvizu, pjesë e axhendës ishte dhe takimi i mbajtur pak minuta më parë me kreun e LSI-së Ilir Meta.

Ndërsa 5 ditë na ndajnë nga zgjedhjet vendore të 8 majit, Meta ka shprehur vlerësimin e SHBA-së për zgjedhjet ndërsa ka cituar se procesi është i një rëndësie të vecantë, kjo në raport me rezultatin vendimtar. Më tej, kreu I LSI-së ka shprehur qartazi bashkëpunimin e kësaj force për zgjedhje të qeta.

Përpos thirrjeve të ndërkombëtarëve, Ambasadori amerikan Arvizu ka apeluar që partitë politike të angazhohen për një fushatë të qetë pa incidente dhe pa dhunë.