Meta: Legalizimet, gati zgjidhja

Kryetari i Levizjes Socialiste per Integrim, Ilir Meta, premtoi dje se ka ardhur per te zgjidhur problemin e mprehte social te legalizimeve. Gjate nje takimi te zhvilluar me banore te Bathores ne Kamze, permes "Planit per veprimi", ish-kryeministri solli ne vemendje hedhjen e alternatives si te domosdoshme per legalizimet qe ne vitin 2001, kur ishte ne krye te detyres. "Jam i bindur se do te kem mundesine me voten tuaj, per te zgjidhur njehere e pergjithmone ceshtjen e legalizimeve, si nje ceshtje shume te rendesishme sociale, por edhe ekonomike jo vetem per ju, por per te gjithe vendin tone", deklaroi lideri i LSI. Ai u shpreh se vetem pak dite na ndajne nga zgjedhjet e 28 qershorit, nje moment shume i rendesishem per te ardhmen e vendit tone dhe per te ardhmen e femijeve tane. Qe, sipas Ilir Metes, eshte pikerisht ndarja me keqqeverisjen, qe rrit varferine dhe pasigurine per jeten tuaj dhe te femijeve tuaj, qe eshte vota per LSI si alternativa qe mendon per shqiptaret, qe zgjidh problemet e tyre me jetike, me nje program teper konkret dhe te qarte. "LSI si asnje alternative tjeter i bashkon te gjithe shqiptaret, sepse LSI ka programin me te qarte dhe me konkret, per ate qe kerkojne me shume shqiptaret sot, qe eshte punesimi i qendrueshem garancia per te ndertuar nje jete me dinjitet per familjet shqiptare dhe per femijet tuaj", siguroi kryetari i LSI. Pasi, sipas tij, kete garanci e jep "Plani i veprimit" i LSI dhe puna qe eshte bere sebashku me nje ekip te mrekullueshem, nje program teresisht i realizueshem, qe per 4 vjet do te ndryshoje teresisht jeten e njerezve. "Ilir Meta dhe LSI nuk premtojne ndertimin e centraleve berthamore, qe nuk i duhen Shqiperise, nuk premtojne ndertimin e termocentraleve qe helmojne Shqiperine, turizmin dhe shendetin e qytetareve tane. Por Ilir Meta dhe LSI kane programin me te qarte, me konkret dhe me te thjeshte, qe i fut shqiptaret ne pune gjate 4 viteve qe vijne", sqaroi per mbeshtetesit ish-kryeministri. Duke vijuar me tej, ai tha se Levizja Socialiste per Integrim, nuk vjen prane njerezve me lista te mbyllura sic vijne partite e vjetra. Te cilat, sipas tij, duan t'i kthejne deputetet, jo ne perfaqesues te popullit, por ne ushtare te kryetareve. "Ne vijme me kandidate per deputete, te cilet kane emra, te cilet kane nje biografi, te cilet kane se c'te thone perpara jush dhe cfare te marrin persiper", vleresoi listen e kandidateve te partise se tij, Ilir Meta. Ai mori mbeshtetjen e te pranishmeve, banore te Bathores, per alternativen e LSI, e cila, sic siguroi dhe kryetari i kesaj partie, do te nxjerre jo vetem kete zone nga varferia e thelle, por do te nxjerre vendin nga kriza dhe permes "Planit per veprim", do te garantoje zhvillim dhe integrim per shqiptaret. Ne kete takim Meta, shoqerohej nga kandidati per deputet i Levizjes Socialiste per Integrim ne Qarkun e Tiranes, Luan Rama. Ne programin e LSI per shtetin social dhe mireqenien e shtetasve, parashikohet dhe perkushtim per shperblim e drejtesi ne pune, partneritet social, intelektualet, pensionistet, veteranet e luftes, emigrantet, per ish te perndjekurit politik, per komunitetet ne nevoje dhe per Shendetin.