Meta: "Kutitë", çështje e gjykatave

Futja e opozitës në parlament, nuk ka ndryshuar aspak pozicionin e aktorëve kryesore të politikës shqiptare. Zëvendëskryeministri Ilir Meta ka përseritur se kërkesa për hapjen e kutive të votimit , është një çështje që ka lidhje me gjykatat, duke vlerësuar pozitivisht propozimin për t'iu drejtuar Komisionit të Venecias si një institucion i pavarur mendimi i të cilit do të jepte zgjidhje për krizën politike.
Ndërkaq përballë deklaratave të opozitës për zgjedhje të parakohshme, kreu i LSI-së , Meta ka deklaruar se zgjedhjet parlamentare do të jenë në qershor të vitit 2013 pasi koalicioni është i qendrueshëm.
Diten e enjte PS hyri në parlament për të bërë betimin dhe për të dorëzuar dy nisma ligjore; për të cilat nga maxhoranca ende nuk ka asnjë deklaratë.