Metalurgët e Kurum protestë para kryeministrisë

Metalurgët e kompanisë Kurum u janë rikthyer protestave. Ata kanë protestuar para kryeministrisë pas ndërprerjes së punës në furrat e shkrirjes për shkak të mungesës së energjisë elektrike.

Metalurgët thonë se ligji ri i energjisë që detyron kompaninë të siguroj vetë energjinë, më shumë dëmton ata se sa vetë Kurumin.
 

Që prej janarit, kompania Kurum nuk furnizohet me energji elektrike duke sjellë ndërprerjen e punës. Sipas ligjit të miratuar së fundmi Kurum është një kompani që hyn në kategorinë konsumatorëve të mëdhenj të energjisë dhe duhet ta sigurojë vetë energjinë eletrike në tregun ndërkombëtar.