Milan, Conceiçao: Klubet e mëdha shkojnë deri në fund në çdo gjë

Pas barazimit 1-1 në ndeshjen e parë, Milani është gati për ndeshjen e kthimit gjysmëfinale të Kupës së Italisë kundër Interit. Një derbi që vlen dyfish për djemtë e Sergio Conceiçao dhe në thelb përfaqëson edhe shansin e fundit për t’u rikthyer në garën për një vend evropian. “Unë pres Milanin më të mirë. Për një klub me këtë histori duhet të jetë normale të arrijë në finalen e Kupës së Italisë dhe ky nuk ka qenë një sezon pozitiv”.

“Ne duam ta fitojmë këtë trofe, klubet e mëdha arrijnë në fund të gjithçkaje – tha trajneri kuqezi në konferencën për shtyp. Nuk mendoj se Interi është i lodhur, ka një skuadër të thellë dhe cilësore”.

“Faza e mbrojtjes do të jetë e rëndësishme, shtëpitë ndërtohen nga themelet – shtoi ai. Walker dhe Loftus-Cheek nuk janë në formën më të mirë, por do të jenë atje”.