Milano-Cortina në RTSH/ Sofia Goggia rrëzohet në zbritjen e lirë ekipore, lamtumirë medalje!

Skiatorja e njohur italiane, Sofia Goggia, është rrëzuar në zbritjen e lirë ekipore të kombinuar për femra, teksa ishte vetëm 4/10-at pas Ariane Raedler. Ajo kishte bërë gati treçerekun e pistës, kur rrëshqiti dhe mbylli garën, por fatmirësisht pa probleme, pasi u ngrit vetë.

Megjithatë, Goggia nuk mund të shpresojë për një tjetër medalje në Lojërat Olimpike Dimërore.

Menjëherë pas rrëzimit, Sofia Goggia i ka kërkuar ndjesë shoqes së skuadrës, Lara Della Mea, që në këtë pikë nuk mund ta bëjë zbritjen e saj në Olympia delld Tofane të Cortina d’Ampezzo.

Në deklaratën e dhënë pas garës, Goggia theksoi: “Në Olimpiada ndodh kështu, mund të të shkojë mirë ose keq. Ndihesha shumë mirë. Tani ka një ditë pushim dhe pastaj të shohim. Edhe një herë, më fal Lara”.