Ministrat e jashtëm të BE-së diskutojnë për Iranin

Çështja e Iranit pritet të dominojë diskutimet e ministrave të Jashtëm të Bashkimit Europian në Bruksel.

Shefat e diplomacive të bllokut do të gjykojnë përgjigjet ndaj raportit të Agjensisë Bërthamore të OKB-së dhe vlerësimit të saj se republika islamike ka ndërmarrë teste për prodhimin e një armë atomike.

Britania kërkon sanksione të reja, sidomos në dritën e zhvillimeve të fundit, kur pas mësymjes së ambasadës në Teheran, dëboi të gjithë diplomatët iranianë nga Londra dhe tërhoqi të sajët nga Teherani.