Ministrja Kushi ndan 2 lajme të mira për kampionin special në not: Në tetor Gersi fillon studimet e larta në Universitetin e Sporteve të Tiranës

Ministrja e Arsimit dhe e Sportit, Evis Kushi priti sot në MAS sportistet Gersi Troka dhe Adi Sula, ekipin që përfaqësuan Shqipërinë në Lojërat Olimpike Speciale në Berlin 2023.

Gersi Troka u shpall kampion bote në not, ndërsa Adi Sula fitoi 2 medalje argjendi dhe 2 medalje bronzi në peshëngritje.

Gjatë bashkëbisedimit me sportistët, ministrja e Arsimit shprehu mbështetjen e saj gjithë nxënësit apo studentët me aftësi ndryshe. Por përmes një postimi në rrjete sociale, znj.Kushi ndau 2 lajme të mira për kampionin special në not.

“Në datën 2 tetor këtë vit Gersi do të fillojë studimet e larta në Universitetin e Sporteve të Tiranës, duke realizuar një nga ëndrrat e tij më të mëdha për të cilën është përpjekur kaq shumë dhe që e meriton plotësisht.

Gjithashtu këtë vit shkollor, ai do të jetë edhe deputet nderi i Parlamentit të Nxënësve në legjislaturën e tretë 2023 – 2025, duke sjellë në MAS zërin e shumë nxënësve me aftësi ndryshe.”

Postimi i plotë i ministres

Sot dua të ndaj me ju dy lajme shumë të mira për Gersi Trokën, kampionin botëror të  notit që na bëri të gjithëve krenarë me medaljen e parë të arit për ???????? Shqipërinë në Lojërat Olimpike Speciale në  Berlin 2023.

Në datën 2 tetor këtë vit Gersi do të fillojë studimet e larta në  Universitetin e Sporteve të Tiranës, duke realizuar një nga ëndrrat e tij më të mëdha për të cilën është përpjekur kaq shumë dhe që e meriton plotësisht.

Gjithashtu këtë vit shkollor, ai do të jetë edhe  deputet nderi i Parlamentit të Nxënësve në legjislaturën e tretë 2023 – 2025, duke sjellë në MAS zërin e shumë nxënësve me aftësi ndryshe.

Mbështetjen tonë do ta ketë edhe peshëngritësi Adi Sula, i cili fitoi 2 medalje argjendi dhe 2 medalje bronzi në Lojërat Olimpike Speciale, e po ashtu edhe të gjithë nxënësit apo studentët me aftësi ndryshe, sepse tashmë kemi nisur punën për përfshirjen e “Special Olympics” dhe “Paralympics” në  Ligjin për Sportin.

Faleminderit Roland Hysi dhe Special Olympics Albania për të gjithë punën dhe përkushtimin në këtë mision!