Misteri i sheshit Skënderbej, asfalt mbi miliona Euro?
Në sheshin Skënderbej në Tiranë po zbatohet një plan provizor. Sheshi po shtrohet me asfalt, e madje po mbillet edhe me pemë, rrape e palma, të cilat nuk kanë aspak një jetëgjatësi provizore. Ekspertë tëurbanistikëst thonë se nga devijimi i projektit të parë dhe punimet provizore, shkojnë dëm 4 milion Euro. Por më e keqja janë hamendësimet se sheshi do të ketë përfundimisht këtë pamje, që do të thotë pa shatërvan.
Tiranë – Sheshi Skëndërbej së shpejti do të hapët për qarkullimin e automjeteve, gjë e cila po pritet me padurim nga të gjithë qytetarët, për shkak të trafikut të kufizuar. Tashmë është bërë e qartë se projekti i nisur nga administrata e Ramës, i cili parashikonte një shesh për këmbësorët dhe pa makina, nuk do të zbatohet nga administrata e Bashës. Sipas një burimi brenda stafit zbatues të projektit, për të gjitha punimet e nëntokës që u përmbyllën, u shpenzuan rreth 4.5 milion euro. Ndërkohë 500 mijë euro u shpenzuan për konkursin ndërkombëtar dhe studion fituese që paraqiti projektin.
Ndërsa pritej që të niste faza e dytë e projektit mbi tokë, ku ishin parashikuar të shpenzoheshin 5 milion euro, dhënë nga qeveria e Kuvajtit, posaçërisht për rikonstruksionin e sheshit Skëndërbej.
Ajo çfarë bëjnë me dije drejtuesit e rinj, është se kanë nisur punimet për të asfaltuar dhe gjelbëruar sheshin provizorisht. Ndonëse u kerkua disa herë, askush nuk na informon se sa do të kushtojnë këto punime, sa do të jetë koha provizore pasi projekti nuk është bërë publik për qytetarët.
Ndonëse shpenzimet nuk bëhen transparente, llogaritë e përafërta të urbanistëve flasin për rreth 2 milion euro të shpenzuara për asfaltin, gjelbërimin, ndriçimin apo dhe mbjelljen e pemëve. Vetëm nga punimet që po kryhen aktualisht në sheshin Skëndërbej, përllogariten edhe 2 milion euro të shkuara dëm nga punimet e nëntokës, një pjesë e të cilave janë dëmtuar dhe një pjesë tjetër kanë dalë jashtë funksionit, siç janë : dhoma teknike me vlere rreth 1 milion euro, linjat e
shatërvanit apo kanalizimet që do të grumbullonin ujërat e shirave për tu ricikluar në shatërvan. Me punimet që po kryhen tani, sheshi i kryeqytetit shqiptar nuk ka më shatërvan.
Deri më tani llogariten 4 milion euro të shkuara dëm në sheshin Skë ndërbej, vetëm për ndërrimit të administratave. Burime brenda bashkisë së Tiranës thonë se këto punime që po kryhen do të shërbejnë për një periudhë tre vjeçare, deri në realizimin e një studimi, që përfshin bashkë me sheshin edhe zgjatimin e bulevardit Zogu i Parë përtej stacionit të trenit. Mësohet se shuma prej 5 milion euro dhënë nga qeveria e Kuvajtit, për të cilën është garant qeveria shqiptare, do të përdoret pikërisht për këtë qëllim.
Në marrë veshjen e nënshkruar nga emri i Kuvajtit dhe Këshillli i Ministrave të Republikës së Shqipërisë , firmosur nga ministri i financave Ridvan Bode, thuhet se qeveria shqiptare ka si detyrë të mundësojë proçedurat, praktikat dhe mundësimin e kushteve për implementimin e projektit.
Në një tjetër pikë është rënë dakord përjashtimi i këtij projekti nga të gjitha llojet e taksave direkte dhe indirekte, përfshire ato doganore që zbatohen në Republiken e Shqipërisë . Në marrëveshjen e firmosur nga të dy palet thuhet se çdo pale që kërkon ndryshimin e marrëveshjes gjatë fazës së projektit me konsensus të përbashkët të
Marrë nga Top Channel
Shkrime të tjera me interes: