Mjeket roje ne spitale, paga shtese

Qeveria vendos shperblimin per te gjithe ata punonjes te shendetesise neper spitale te cilet kryejne sherbimin 24 oresh ne funksion te te semureve, ne raste pushimi dhe dite festash. Ne mbledhjen e dy diteve me pare ajo ka miratuar strukturen djhe nivelin e pagave per keta punonjes me arsim te larte ne sistemin e shendetesise, qe perfshijne dhe spitalet dhe spitalin qendror ushtarak. Ne baze te ndryshimeve te miratuara nga qeveria ne vendimin e saj me te fundit, per cdo sherbim roje 24 ore pa nderprerje u jepet shperblim ne masen e meposhtme, ne qendrat spitalore universitare per mjeke roje te pare dhe te dyte, perkatesisht, per ditet e zakonshme, jepen 3 500 leke dhe 3 300 leke. Per der ditet e shtuna jepen 3 900 leke dhe 3 700 leke dhe per ditet e diela e festat jepen 4 300 leke dhe 4 100 leke. Nderkohe qe ne vendimin e Keshillit te Ministrave, ne institucionet e tjera per mjek roje i pare dhe mjek roje i dyte jepen per ditet e zakonshme 3 300 leke dhe 3 100 leke, per ditet e shtuna jepen 3 700 leke dhe 3 500 leke. Ndersa per ditet e diela e festat jepen 4 100 leke dhe 4 000 leke. Keto shuma jane te planifikuara ne nje dite, dhe jepen ne forme shperblimi, per te nxitur ne kete menyre punen ne kete sektor te veshtire dhe qe ka ne dore jete njerezish. Nderkohe jane sferes se shperblimeve nuk kane mbetur as urgjencat e rretheve, te cilat sipas punes se kryer, kryesisht me sherbim 24 oresh perfitojne nje shperblim te admirueshem, qe fillon nga 1 maji i ketij viti. Sipas vendimit te qeverise, per sherbimin e urgjences se rrethit, te organizuar dhe qe funksionon si i tille, u jepet, per kohen qe kryejne sherbimin e urgjences, nje shperblim, ne masen e meposhtme. Ne ditet e zakonshme, ne ditet e shtuna dhe ne ditet e diela e festa, shuma e perfituar perkatesisht sipas ketyre kategorive per sistemin 24 ore eshte 3 000 leke, 3 200 leke dhe 3 400 leke, per sistemin 16 ore shuma e perfituar eshte 2 800 leke, 3 000 leke dhe 3 600 leke dhe per sistemin 12 ore shuma e perfituar eshte 2 400 leke, 2 600 leke dhe 2 800 leke. Efektet financiare, qe rrjedhin nga zbatimi i ketij vendimi, per punonjesit ne varesi te Ministrise se Shendetesise te perballohen nga fondet e parashikuara ne buxhetin e shtetit, per rritjen e pagave te vitit 2009, ndersa per punonjesit ne varesi te ISKSH-se, te perballohen nga Instituti i Sigurimit dhe Kujdesit Shendetesor. Nderkohe qe ne baze te vendimit te Keshillit te Ministrave ngarkohen Ministria e Shendetesise, Ministria e Mbrojtjes, Ministria e Financave dhe Instituti i Sigurimit dhe Kujdesit Shendetesor per zbatimin e ketij vendimi, i cili do te shperbleje punen e kryer te ketyre kategorive te mjekeve gjate sherbimit te tyre ne qendrat spitalore dhe ne urgjenca. Ja.Ma