Mosmirënjohësit brenda PS-së

Idriz Pasha qytetar 

-Të tre dezertorët nga Partia Socialiste me ato  veprime dhe tradhti treguan se i paskan shërbyer stolit në kuvend dhe xhepave të tyre dhe kurrë elektoratit që i ka zgjedhur. Kastriot Islamin e  kam njohur personalisht në Burrel 1995, kur PS  organizoi një miting në pallatin e sportit. PS-në  e drejtonte Servet Pëllumb. Serveti kishte ardhur  me një grup deputetësh; Namik Dokle, Halil Lala,  Arta Dade, Ndre Legisi dhe Kastriot Islami. Mbasi dolëm jashtë pashë Kastriot Islamin që ishte ulur  jashtë Pallatit, nuk kishte ardhur në mbledhje. U  çudita nga indiferentizmi i tij! Kastriotiështë trajtuar si më mirë nuk ka nga Partia Socialiste: deputet, ministër, kryetar kuvendi. Por ai paska qenë  kalë Troje brenda PS-së. Në kohën kur elektorati që  ka dhënë votën kishte nevojë për përkëdheljen e  tyre, këta e tradhtuan elektoratin, u bënë tradhtarë  dhe tërë jetën e tyre do të kujtohen si tradhtarë.