Moti/ Fundjava me ditë të kthjellëta, më freskët në zonat malore

Kjo fundjavë pritet me mot të kthjellët për pushuesit që kanë zgjedhur brigjet shqiptare dhe me pak vranësira për turistët që kanë si destinacion zonat malore.

Temperatura maksimale është parashikuar të shënojë 37 gradë Celsius, ndërsa në bregdet më të ulëta, deri në 34 gradë Celsius.

Më freskët, por sërish deri 30 gradë Celsius parashikohen temperaturat maksimale në zonat malore.

Fala masave ajrore relativisht të thata, moti i kthjellët do të mbizotërojë në mesditë dhe do të ketë alternime vranësirash gjatë pasdites.

Reshje shiu priten të dielën në juglindje të vendit.

Valëzimi në Detin Adriatik dhe Jon do të jetë 2–3 ballë, me shpejtësinë e erës deri 13 m/s.

/rtsh.al/