Moto GP, Fabio Kuartararo fiton në Itali

Piloti i “Jamaha”-s, Fabio Kuartararo, dominoi të dielën në garën dramatike të Moto GP-së në Çmimin e Madh të Italisë, pasi një rrëzim i shpejtë i Françesko Banjajës e ndimoi atë të thellonte epërsinë në krye të renditjes së përgjithshme individuale. Në fakt, familja e Moto GP-së u mblodh përpara nisjes së garës prej 23 xhirosh, duke mbajtur një minutë heshtje në nderim të pilotit 19-vjeçar të Moto 3-shit, Zhejson Dypaskier, i cili humbi jetën pas një aksidenti të tmerrshëm të shtunën gjatë provave zyrtare të nivelit të 3-të të këtij Botërori.

Dhe vetë gara e së dielës ishte po aq dramatike, pasi, që pa nisur ende, Enea Bastianini goditi Johan Zarkonë dhe u rrëzua, duke humbur garën. Banjaja mori kryesimin e garës që në nisje, duke lënë pas Kuartararon, i cili sidoqoftë, nuk e humbi toruan, por as durimin, duke u shpërblyer shpejt. Mark Markez ishte i pari që u rrëzuar, duke e braktisur garën, por pak kthesa më pas, kryesuesi i saj, Banjaja, u rrëzua gjithashtu, duke i dhuruar vendin e parë Kuartararos.

Ky i fundit pati një duel me ndjekësin më të afërt, pilotin e “Pramak”-ut, Johan Zarko, në xhiron 3 dhe 4, por më pas nuk e lëshoi më kryesimin e garën deri në fund, duke mbërritur në finish 3 sekonda para Migel Olivierës dhe Joan Mirit. Zarko u detyruar të kënaqej me vendin e 4-t, ndërsa 10-shen e të parëve e plotësuan Binder, Miller, Aleiks Espargaro, Vinjales, Petruçi dhe Valentino Rosi. Fitorja e shkëputi Kuartararos 24 nga ndjekësi më i afërt, Zarko, dhe 26 pikë nga Banjaja i vendit të 3-të.

Cla	#	Rider		Bike	Gap
1	20	Fabio Quartararo		Yamaha
2	36	Joan Mir		Suzuki	3.000
3	88	Miguel Oliveira		KTM	2.592
4	5	Johann Zarco		Ducati	3.535
5	33	Brad Binder		KTM	4.903
6	43	Jack Miller		Ducati	6.233
7	41	Aleix Espargaro		Aprilia	8.030
8	12	Maverick Viñales		Yamaha	17.239
9	9	Danilo Petrucci		KTM	23.296
10	46	Valentino Rossi		Yamaha	25.146
11	27	Iker Lecuona		KTM	25.152
12	44	Pol Espargaro		Honda	26.059
13	51	Michele Pirro		Ducati	26.182
14	73	Alex Marquez		Honda	29.400
15	32	Lorenzo Savadori		Aprilia	32.378
16	21	Franco Morbidelli		Yamaha	37.906
17	10	Luca Marini		Ducati	50.306
	30	Takaaki Nakagami		Honda
	42	Alex Rins		Suzuki
	63	Francesco Bagnaia		Ducati
	93	Marc Marquez		Honda
	23	Enea Bastianini		Ducati