Mou: S´ndikohem nga koret, me Balotelin zgjedhje taktike

Në konferencën e sotme për shtyp, para sfidës me “Zonjën”, portugezi theksoi se gjatë gjithë kësaj jave Baloteli është stërvitur njëlloj si pjesa tjetër e grupit. Gjithashtu, “I veçanti” tha se nuk do të ndikohet aspak nga koret e mundshme raciste në drejtim të italianit: “Aktivizimi apo mosaktivizimi i tij do të jetë thjesht një zgjedhje teknike”.

Më tej ai shtoi se fakti që nuk është italian, përbën avantazh për ekipin e tij. “Kur mendon për Juven, të shkon mendja tek një skuadër me përvojë. Dy ndeshjet e ardhshme do të jenë vendimtare për ta. Do të përballemi me një skuadër të zemëruar, me dëshirë të madhe për të bërë mirë në këtë takim. Megjithatë, edhe ata e dinë që ndaj nesh nuk do ta kenë aspak të lehtë”, theksoi Mou.

Në fund, edhe diçka në lidhje me të adhmen e tij në krye të pankinës zikaltër: “Jam trajner i Interit, megjithëse gjatë gjithë kësëaj jave, media më ka quajtur si ish-trajner të kësaj skuadre. Por jam dhe do të jem për aq kohë sa kohë Morati do të dojë dhe nuk do të më thotë të largohem”.