Muzeu Etnografik i Gjirokastrës, vendodhja më e vizituar e qytetit të gurtë
Muzeu Etnografik i Gjirokastrës mbetet një ndër vendodhjet më të vizituara të qytetit. Këtë e tregon numri i madh i vizitorëve që hyjnë dhe njihen me historinë, personalitetet dhe fillesat e qytetit. Vlerësimet që japin vizitorët janë të ndryshme dhe sigurisht mbresëlënëse.
Për një turist turk godina e muzeut është tepër familjare për nga stili arkitektonik i ndërtimit.
Ndërthurja e historisë, kulturës dhe traditës po tërheq shumë vizitorë shqiptar. Vetëm për muajin qershor muzeun e kanë vizituar rreth 1200 vizitorë. Rikonceptimi artistik i Muzeut Etnografik të Gjirokastrës ka ndikuar edhe tërheqjen e vizitorëve.
Gazetar Norel Zaimi
/RTSH/