NATO nuk është ngjarje për eksitim politik, por përgjegjësi

Ftesa për anëtarësim në NATOështë për t’u duartrokitur. Por, e para, është ftesë dhe anëtarësimi ende nuk është bërë. Dhe e dyta, nuk është ngjarje për eksitim politik, por një përgjegjësi më shumë e qeverisë dhe popullit shqiptar. Na mbetet të dëshmojmë se jo rastësisht e kemi marrë këtë ftesë. Shqipëria ka bërë shumë me dërgimin e forcave të armatosura në disa zona në konflikt, por kemi ende probleme të mëdha si shoqëri, kryesorja e të cilave, për mua si lexues, mbetet pavarësia reale e sistemit të drejtësisë.