NORVEGJI – Princi i Kurorës Haakon pason fronin si monarku i ri i vendit
OSLO, 28 gusht /ATSH-AFP/ – Princi i Kurorës Haakon, pason në fronin norvegjez si monarku i ri i vendit.
Mbreti i Norvegjisë, Harald V, ka ndërruar jetë në moshën 89-vjeçare, në Spitalin Universitar të Oslos, ku ndodhej i shtruar prej fillimit të javës.
Mbreti po merrte trajtim për anemi hemolitike, e cila kishte shkaktuar grumbullim të lëngjeve në organizëm.
Gjatë qëndrimit në spital, ai zhvilloi gjithashtu një infeksion bakterial në qarkullimin e gjakut.
Harald V u ngjit në fron në vitin 1991, pas vdekjes së babait të tij, Mbretit Olav V.
Ai u martua me mbretëreshën Sonja në vitin 1968.
Harald V ishte monarku më i vjetër në detyrë në Evropë./ a.jor.