Nano: Mos votoni listen e rreme te Rames

Ish-kreu i PS-se Fatos Nano u shfaq dje ne krah te deputetit Arben Malaj per te mbeshtetur ate per kandidimin e pavarur ne qarkut e Vlores. Nano e cilesoi si te papranueshem perjashtimin e Malajt nga PS, pas 16 vitesh kontribut ne Partine Socialiste. Nano u beri thirrje socialisteve qe te mos votojne per kandidatet e rreme te Rames, por per perfaqesuesit e denje te se majtes. “Une jam ketu per t’u bere thirrje socialisteve te Vlores dhe te mbare Shqiperise qe te votojne perfaqesuesit e denje dhe te nxisni te gjithe miqte tu largohen perfaqesuesve te rreme qe perfshihen ne krye te listave Rama”,- u shpreh dje Nano. Ne menyre me direkte, Nano u beri apel socialisteve te Vlores, qe voten e tyre ta japin per Malajn dhe jo per Koco Kokedhimen, ndersa u shpreh i bindur se votat e socialisteve te Vlores do te shkojne per kandidatin Arben Malaj. “Nese votat e socialisteve te Vlores do te shkojne per Arben Malajn dhe jo te Koco Kokedhima, kjo eshte pergjegjesia e Rames e jo e jona. Le ta bejme se bashku aritmetiken e drites dhe jo te erresires”,- u shpreh dje Nano. Ish-kreu i PS-se u shpreh se deputeti Malaj do te arrije te marre dhe me shume vota sesa PS-ja ne zgjedhjet e 23 qershorit ne Qarkun e Vlores. “Ne rast se fenomeni Malaj qe eshte nje nga kontribuuesit dhe perfaqesuesit me te mire te vlerave socialiste ne 22 vjet demokraci ne Shqiperi, do te arrije te marre me shume vota se sa PS-ja ne Vlore, kjo do te jete shume domethenese per te rivendosur integritetin tek njerezit qe sherbejne me devocion dhe sakrifikojne interesat private qe Rama asnje here s’ka arritur t’i vendose ne fund te listave te tija”,- u shpreh Nano. Duke u ndalur ne kandidimin e Malajt, Nano tha se ky eshte nje mesazh i fuqishem qe te gjithe te behen te pavarur nga klanet e politikes shqiptare. “Sigurisht qe eshte nje cudi qe Arban Malaj perjashtohet nga PS dhe une ish-kryetar i PS, mbeshtes nje kandidat te pavarur. Por ky eshte nje mesazh qe te gjithe te behen te pavarur nga klanet e politikes shqiptare. Nga klanet e erresires dhe klanet e interesave qe as legjislacioni i standardeve te BE qe kemi nuk arrin t’u beje transparence”,- u shpreh Nano. Ish-kreu i PS-se u shpreh se mbeshtetja e tij ndaj Malajt nuk ka asnje pakt te fshehte. Ai shtoi se eshte ne mbrojtje te vlerave qe PS ka konsoliduar prej kohesh dhe po i humbet me drejtimin e Rames.