“Ndërtojmë një të ardhme më të mirë”, ministri Hasani: Shqipëria e përkushtuar ndaj promovimit të barazisë dhe dinjitetit

Ministri për Evropën dhe Punët e Jashtme, Igli Hasani ditën e sotme ishte i pranishëm në konferencën ndërkombëtare të të drejtave të njeriut “Të bashkuar kundër urrejtjes”, organizuar nga universiteti “Essex”, në bashkëpunim me MEPJ.

Në këtë konferencë, ministri Hasani mbajti fjalën hapëse, duke u shprehur se Shqipëria mbetet e përkushtuar ndaj promovimit të barazisë, dinjitetit dhe respektit për të gjithë.

Igli Hasani: Kënaqësi të hap në Tiranë Konferencën inaugurale #HR30, EMPOËER TALK: Qëndresa Kundër Urrejtjes & Përqafimi i të Drejtave, së bashku me Universitetin e Essex.

Shqipëria mbetet e përkushtuar ndaj promovimit të barazisë, dinjitetit dhe respektit për të gjithë – vlera thelbësore që i mbrojmë me krenari gjatë mandatit tonë në Këshillin e OKB-së për të Drejtat e Njeriut dhe në rrugëtimin tonë drejt BE-së.

Të rrënjosur në historinë dhe traditat tona, qëndrojmë të palëkundur në angazhimin tonë të vazhdueshëm për të ndërtuar një të ardhme më të mirë për të gjithë.