Në Austri rikthehet Sprinti

Pas Imolas, të shtunën i takon pistës në Spielberg, të presë Sprintin. Ky do të jetë i dyti sipas renditjes në kalendarin e Botërorit 2022 të Formula 1. Pas eksperimenteve të vitit të kaluar, formati i Sprintit ka ndryshuar. Fillimisht është ndryshuar emërtimi, nga Kualifikueset Sprint, në vetëm Sprint. Nuk ka ndryshuar vetëm gjatësia prej 100 km e ndalimi në bokse nuk është i detyrueshëm, gjithashtu do të jepen pikë për renditjen botërore, për pilotët e renditur në 8 vendet e para.

Mbi të gjitha, ajo do të përcaktojë rendin e nisjes së garës së të dielës. Ndërsa polepozition i arritur të premten, do t’i përkasë si statistikë pilotit, në historinë e botërorëve. Prova e fundit e Sprintit prej 100 km në  këtë kampionat botëror të Formula 1, do të bëhet në Interlagos, Çmimin e madh të Brazilit. Qualifikueset e Çmimit të Madh të red Bull Ring zhvillohen të premten në orën 17.00. Sprinti të shtunën në orën 16.30 dhe gara të dielën në orën 15.00.