Në Turqi fillon procesi i skandaleve
Ka filluar në Turqi procesi për kurdisjet e ndeshjeve, i cili është skandali më i madh i ndodhur ndonjëherë në futbollin turk.
Seanca e parë do të mbahet në një tribunal të Stambollit, ku do të dëgjohen 93 persona të pandehur dhe 23 të paraburgosur. Ndër ta gjendet edhe emri i përfolur, presidenti i Fenrebahçes, Aziz Yildirim.
I përfshirë në kurdisje, sipas akuzave, ishte edhe numri 1 i Giresunsporit, Olgun Peker. Të pandehurit rrezikojnë nga 22 deri në 115 vjet burg. Skandali në futbollin turk ishte zbuluar në fund të vitit që shkoi, kur ndodhën shumë paraburgime.