Nga Anglia: United, Kane ose dy sulmues të Serisë A

Manchester United tashmë po mendon për merkaton e verës dhe synimi është të forcojë repartin ofensiv. Nëse ata janë më se të plotë në krahë, për rolin e sulmuesit nuk mjafton vetëm Weghorst, i ardhur në janar nga Besiktas. Sipas ESPN, objektivi numër një për skuadrën e Ten Hag është Harry Kane, i cili prej vitesh konsiderohet në nisje nga Tottenham. Nëse lojtari anglez nuk arrin, United do të kërkojë në Itali për Osimhen dhe Vlahovic.

Është folur për një transferim të mundshëm të nigerianit te “banda” e kuqe e Mançesterit tashmë në sesionin e fundit të merkatos së verës në kuadër të një ardhjeje të mundshme të Cristiano Ronaldos në Napoli. Në një intervistë të fundit, sulmuesi deklaroi gjithashtu se ëndrra e tij është të luajë në Premier League. Vetë Vlahovic është dhënë ndër largimet e mundshme nga Juventusi verën e ardhshme dhe Anglia duket destinacioni më i besueshëm.