Nis me debate sesioni i ri parlamentar/ Tritan Shehu përplaset me Lindita Nikollën

Ka nisur me debate sesioni i ri parlamentar.

Një debat ka ndodhur mes deputetit të PD Tritan Shehu dhe kryeparlamentares Lindita Nikolla.

Pas miratimit të kalendarit të punës, Nikolla ka vijuar me rendin e ditës, kur Shehu kërkoi fjalën.

Ai “i tërhoqi veshin” kryeparlamentares, duke thënë se priste që sesioni të fillonte me rregullimin e gabimeve të sesionit të parë dhe jo ti thellonte ato.

Tritan Shehu nga PD-ja e Berishës u ankua duke thënë se në rend të ditës duhet të ishte edhe rezoluta e genocidit në Srebrenicës.

“Vazhdon të shkelet procedura dhe nuk ka përmirësim. Jo vetëm që nuk diskutuam për rezolutën për gjenocidin serb”, u shpreh ai, ku më pas u ndërpre nga kryetarja e Kuvendit Lindita Nikolla.

Në këto momente, Nikolla i ka ndërprerë fjalën, duke i mbyllur mikrofonin.

Shehu ka replikuar për pak sekonda nga vendi, ndërsa më pas ka nisur diskutimi i kryetarëve të grupeve parlamentare, ku fjalën e mori Fatmir Mediu, kreu i Partisë Republikane.