Nishani fton të interesuarit të aplikojnë për 2 vendet vakante në Gjykatën e Lartë

TIRANE- Në kuadër të mbarimit të mandatit të dy gjyqtarëve të Gjykatës së Lartë, Presidenti i Republikës, Bujar Nishani fton subjektet e interesuara të dorëzojnë pranë Institucionit të Presidentit të Republikës kërkesat e tyre me kandidatura për dy vendet vakante në Gjykatën e Lartë. 

Zyra e presidences, njofton se kërkesa duhet të jetë e nënshkruar dhe e skanuar, e shoqëruar me një Curriculum Vitae dhe të dërgohet në adresën elektronike: info@president.al. 

Afati i fundit për paraqitjen e kërkesave është dita e dielë, dt.14 prill 2013, ora 24:00.
(e.m/BalkanWeb) Lidhje te tjera Betohen para Presidentit dy anëtarët e rinj të Gjykatës Kushtetuese