“Një dasmë e hatashme”, komedia e Kiço Londos mirëpritet në Korçë
“Një dasmë e hatashme”, një komedi tipike britanike, që e sjell në skenën teatrore regjisori Kiço Londo, është mirëpritur këtë fundjavë nga artdashës të shumtë në teatrin “Andon Zako Çajupi” të Korçës.
Loja e mrekullueshme e aktorëve Julian Deda, Fatma Haxhialiu, Ermira Hysaj, Marjana Kondi, Denisa Demaj dhe Ëngjëll Hoxha, përfshiu një numër të pafund përplasjesh dhe situatash tepër komike e të bukura.
Shfaqja prodhim i teatrit shëtitës “Çajupi” ka lënë mbresa tek publiku korçar i cili ka mbushur sallën e teatrit për dy netë me radhë.
Regjisori Kiço Londo tregon se ajo që e ka ngacmuar më shumë për ta sjellë këtë komedi në skenë është linja e dashurisë.
Emocione të shumta kanë përjetuar edhe aktorët që kanë interpretuar në këtë shfaqje, përballë një publiku që i ka mirëpritur duke duartrokitur gjatë lojën e tyre.
Fabula e thjeshtë e komedisë angleze, ku spikasnin karaktere dhe situata dinamike, ka përcjellë mjeshtërisht mesazhin se pavarësisht keqkuptimeve apo intrigave, dashuria triumfon.
Pas Korçës, teatri “Çajupi” do të çojë komedinë “Një dasmë e hatashme” edhe në skena të tjera të vendit.
/rtsh.al/