Nje studim i ri per Alzajmerin tregon se grate jane ato qe perballojne peshen me te madhe te semundjes duke u kujdesur per personat e prekur por edhe si viktima te semundjes. Nje raport me perfundimet e studimit i kerkon Kongresit te miratoje nje strategji per trajtimin e kesaj epidemie ne rritje ne Shtetet e Bashkuara. Por kjo epidemi nuk kufizohet vetem ne vendet perendimore.

Sipas Shoqates se Alzajmerit cdo sekonde ne bote diagnostikohet nje rast i ri i dementias. Nje raport i ri pas nje studimi te kryer kohet e fundit thote se rastet e semundjes pritet te trefishohen brenda 40 vjeteve per shkak se ajo shoqerohet me pleqerine dhe tani njerezit ne mbare boten po jetojne me gjate. Raporti u pergatit nga Fondacioni i Alzajmerit dhe nga Zonja e Pare e Kalifornise Maria Shriver. Babai i saj vuan nga Alzajmeri. Ai u diagnostikua me semundjen ne vitin 2003. Eksperienca me te atin e nxiti ate te punoje per raportin e quajtur Raporti Shriver Eksperienca e nje gruaje amerikane me Alzajmerin.

60 per qind e personave qe preken nga semundja jane gra. Grate po ashtu jane ato qe kujdesen per te semuret dhe miliona prej tyre punojne me orar te plote - thote zonja Shriver.

Raporti studjon Alzajmerin ne SHBA. Ai thote se grate perbejne thuajse dy te tretat e njerezve te prekur nga semundja. Ato perbejne po ashtu 60 per qind te personave qe kujdesen per semundjen pa pagese.

Shkencetaret dhe sociologet po e quajne Alzajmerin Semundje e grave. Dr. Ted Rothstajn neurolog ne Qendren Mjekesore te Universitetit Xhorxh Washington thote se grate jane personat qe preken me teper nga semundja sepse burrat jetojne me pak.

Ne grupmoshen 75-85 vjecare ka nje numer me te madh grash se sa burrash prandaj edhe mundesia e prekjes nga semundja eshte me e madhe per grate - thote neurogu.

Raporti parashikon se amerikanet do te shpenzojne 20 trilione dollare ne 40 vjetet e ardhshem per Alzajmerin. Ai thekson nevojen per me teper fonde per kerkime mbi semundjen si dhe nje strategji kombetare per trajtimin e saj.

Per semundjet e zemres dhe kancerin jepen fonde prej 6 dhe 5 miliarde dollaresh ndersa per Alzajmerin jepen vetem 500 milione dollare. Ne fakt ne vitet e ardhme ka per te qene Alzajmeri semundja qe mund ti preke njerezit me teper se kanceri apo semundjet e zemres- thote zonja Shriver.

Dr. Rothstajn thote se duhen zhvilluar me teper kerkime per dy proteinat qe akumulohen ne trurin e njerezve qe preken nga Alzajmeri. Keto proteina quhen Tau dhe Amiloidet.

Kohet e fundit njerezit jane perqendruar tek proteina Tau si burim i Alzajmerit dhe ndoshta perqendrimi i amiloideve ne trurin e njeriut eshte pare si sekondar pas proteines tau. Prandaj mundet qe kerkimet tona te kene qene te orjentuara keq per kete arsye edhe kompanite farmaceutike mund te kene kene ndjekur rrugen e gabuar.

Me plakjen e popullsise se botes numri i personave te prekur nga Alzajmeri pritet te rritet se tepermi dhe ende nuk ka nje kure per te. Trajtimet ekzistuese vetem se i lehtesojne simptomat.

Nderkohe rastet e Alzajmerit pritet te prekin 80 milione njerez ne mbare boten deri ne vitin 2040. 60 milione prej tyre do te jene ne vendet ne zhvillim dhe numri me i madh i tyre do te jene gra te cilat nuk do te kene mundesi te marrin mjekimet e nevojshme.