Nju Jork, anije relike në Ground Zero

Punëtorët që punojnë në zonën ku dikur ndodheshin Kullat Binjake, në Nju Jork, po nxjerrin nga toka një anije 9.8 metra të gjatë, që dyshohet se është varrosur në shekullin e 18-të.

Arkeologët besojnë se anija përdorej si transportues materialesh për zgjerimin e lagjes së Manhatanit, përgjatë lumit Hudson.

Arkeologia Molly McDonald shpreson se anija e zbuluar do të nxirret këto ditë, por nga ana tjetër është e shqetësuar nëse pjesët e trupit të objektit do të shpëtojnë.

“Aktualisht ne po e pastrojmë me dorë sepse trupi i anijes është shumë i thyeshëm”, ka deklaruar arkeologia.