Nuk ka emër për president/ Shala: Çdo ditë që qeveris Kurti, Kosova po dëmtohet. Synon të marrë të treja pushtetet

Analisti Azdren Shala gjatë një interviste në emisionin “Balkan Update” në ABC News theksoi se vendimmarrja politike në Kosovë, prej vitesh, është përqendruar te një figurë e vetme, duke iu referuar kryeministrit Albin Kurti.

Sipas Shalës, kjo qasje ka ndikuar negativisht në funksionimin demokratik dhe në rolin e opozitës, ndërsa paralajmëroi se vazhdimësia e një modeli të tillë qeverisjeje mund të dëmtojë më tej stabilitetin institucional dhe politik të Kosovës.

“Problemi në Kosovë prej vitesh është se gjërat politike, përcaktohen nga një person i vetëm, që është Albin Kurti. Kurse, ajo që e quan veten opozitë e ndjek dëshpërueshëm. Zgjedhja e krizës varet nga Albin Kurti.

Mua nuk më shqetëson fakti i LDV-së. Çdo ditë që qeveris Kurti, Kosova po dëmtohet. Një mandat tjetër i plotë i Kurtit dëmton Kosovës. Logjika e Kurtit prej pushtetarit, synon që të marrë të gjitha pushtetet, legjislativin, ekzekutivin dhe gjyqësorin.

Atij nuk i intereson posti i presidentit, pot kërkon që të marrë të gjitha pushtetet. Kurti nuk do një person parimor që të kontrollojë çdo pushtet”, u shpreh analisti.