Nxënësit shohin “Në shtëpinë tonë” – Filmi, në kuadër të projektit “Familja gjëja më e shtrenjtë”

Një ndër filmat shqiptarë që ka fituar simpatinë e cdo familje në vitet 80 është ai i regjisorit Dhimitër Anagnosti “Në shtëpinë tonë”. Ky film u shfaq për fëmijët gjirokastritë, në kuadër të projektit “Familja gjëja më e shtrenjtë”.

Kinemaja e qytetit të Gjirokastrës hap dyert për nxënësit e klasave të treta të shkollës 9 vjecare “Koto Hoxhi”. Vogëlushët kanë shijuar filmin shqiptar “Në shtëpinë tonë” , një prodhim i vitit 1979. Filmi i mbështetur në një temë sociale, fokusuar tek drama psikologjike e nje 6 vjecari ka fituar cmim te vecantë në festivalin e dhjetë ndërkombëtar për fëmijë dhe të rinj në Giffoni të Italisë në vitin 80.

Kjo zgjedhje nga mësueset nuk ishte e rastësishme, por vjen në kuadër të projektit “Familja gjëja më e shtrenjtë”.  Publikut të vogël gjirokastrit nuk do t’i mungojnë filmat gjatë muajit qershor.

Gazetare: Yllka Ponde

/rtsh.al/