OKB dënon sulmin në qendër të Chernihiv: Rreptësisht të ndaluara sipas ligjit ndërkombëtar humanitar

Koordinatorja humanitare e Kombeve të Bashkuara për Ukrainën, Denise Brown, dënoi sulmin me raketa ruse në qendër të qytetit verior të Ukrainës, Chernihiv.  

Në një deklaratë ajo kërkoi ndalje e këtyre sulmeve ndërsa i cilësoi janë rreptësisht të ndaluara sipas ligjit ndërkombëtar humanitar, sipas CNN.

“Jam jashtëzakonisht i shqetësuar nga lajmet e një sulmi tjetër rus që goditi pak më parë zemrën e Chernihiv, në Ukrainën veriore, duke lënë dhjetëra civilë të vrarë dhe të plagosur, duke përfshirë fëmijë.

Është e neveritshme të sulmosh sheshin kryesor të një qyteti të madh, në mëngjes, ndërsa njerëzit janë jashtë duke ecur, disa shkojnë në kishë për të festuar një ditë fetare për shumë ukrainas.

Unë dënoj këtë model të përsëritur të sulmeve ruse në zonat e populluara të Ukrainës, duke shkaktuar vdekje, shkatërrime masive dhe nevoja në rritje humanitare,” vazhdoi ajo.  Sulmet e drejtuara kundër civilëve ose objekteve civile janë rreptësisht të ndaluara sipas ligjit ndërkombëtar humanitar. Duhet të ndalet,” dënoi ajo.

Sulmi la disa të vdekur përfshirë një vajzë 6-vjeçare dhe të paktën 129 të plagosur. Nga sulmi është dëmtuar një shesh kryesor, një ndërtesë universitare dhe një teatër. 

Çernihu ndodhet pranë kufirit me Bjellorusinë. Në fillim të luftës ai u pushtua nga rusët, por aktualisht është nën kontrollin e Ukrainës.

/rtsh.al/