Obama e McCain, apel qytetareve: Shkoni te votoni

Senatoret Barack Obama dhe John McCain po perdorin fushatat finale te se henes per t’iu bere thirrje mbeshtetesve te tyre qe te ndihmojne ne nxitjen e qytetareve qe te marrin pjese ne votime.

“Nese ne keto ore te fundit ju do te troksini neper disa dyer dhe do te beni disa telefonata, ftojini te gjithe qe te shkojne te votojne”, iu eshte drejtuar Obama mbeshtetesve te tij.

“Nese ju do te qendroni dhe do te luftoni me mua, une ju premtoj se ne do te fitojme jo vetem ne Florida, por ne te gjitha shtetet. Se bashku ne do ta ndryshojme kete vend, do te ndryshojme gjithe boten”, eshte shprehur senatori i Illinois.

Ndersa McCain po perpiqet qe te fitoje sa me shume terren. Megjithate, gjate vizites se tij ne Tampa, ai ka bere te njejtin apel ashtu sikurse Obama.

“Vullnetare, troksini ne dyer te ndryshme dhe coni fqinjet tuaj ne qendrat e votimit. Une kam nevoje per voten tuaj. Ne duhet te sjellim nje ndryshim real ne Uashington dhe duhet te luftojme per kete”, ka deklaruar McCain, i cili ka shprehur bindjen e tij per fitore.

“Ne do te fitojme ne Florida dhe do ta fitojme te gjithe garen qe zhvillohet neser”, ka shtuar McCain.

Nderkohe, sondazhet kombetare tregojne se Obama udheheq ndaj McCain me 7 pike diference. Ndersa sondazhi i CNN tregon se 5% e votuesve jane ende te pavendosur.