Obama vazhdon betejën për lehtësime tatimore

Presidenti i SHBA-së, Barak Obama, u angazhua për zgjerimin e lehtësimeve tatimore për klasën e mesme dhe për eliminimin e lehtësimeve për amerikanët me të ardhura të larta.

Me këtë Obama insiston që ta ndryshojë temën e debatit parazgjedhor për papunësinë e madhe, që e imponoi kundër-kandidati i tij republikan, Mitt Romney.

Obama në Shtëpinë e Bardhë deklaroi se lehtësimet tatimore për amerikanët e pasur në masë të madhe kanë kontribuar për deficitin buxhetor, ndërsa zgjerimi i lehtësimeve tatimore për njerëzit që pranojnë më pak se 250.000 dollarë në vit, me siguri do ta lëvizë ekonominë.

Presidenti amerikan përkundër problemeve me papunësinë, e cila arrin në 8.2 për qind dhe rikuperimin e ngadaltë ekonomik, vëmendjen e opinionit në fushatën parazgjedhore e orienton sërish drejt çështjes për tatimet, edhe pse e di se Dhoma e Përfaqësuesve, ku shumica janë republikanë, nuk do ta miratojë këtë, nëse njëkohësisht nuk ka edhe lehtësime për të pasurit.

Lehtësimet tatimore janë të vlefshme deri në fund të vitit.