Opozita gati
Ilir Saqellari
Partia Socialiste shprehu dje angazhimin maksimal per realizimin e reformave qe do te mundesojne anetaresimin ne NATO ne prill te 2008-es. Numri nje i socialisteve, Edi Rama, garantoi se PS-ja do te kryeje te gjitha detyrimet qe i takojne ne kete proces. Per me teper, kryesocialisti beri me dije se grupi parlamentar do t'i parashtroje Kuvendit edhe nje projektrezolute, per te cilen do te kerkoje mbeshtetjen e te gjitha forcave politike per ta miratuar. Sipas Rames, kjo do te duhet te pasohet me permbushjen e detyrimeve te perbashketa per anetaresimin ne NATO. Numri "1" i PS-se theksoi se ka ardhur koha per te hapur nje faqe te re ne historine e vendit. "Reformat jane angazhime dhe perpjekje konceptuale te forcave politike. Reformat per te cilat flasim jane reforma te medha qe ne cdo vend demokratik, por edhe ne kushtetuten tone, parashihen si reforma qe kerkojne angazhim bipartizan, angazhim te forcave politike te te dy kampeve, te kampit qe qeveris dhe te kampit qe eshte ne opozite. Angazhim qe nga ana jone do te jete i plote, duke ofruar te gjithe kapacitetet tona dhe duke vene ne tavoline te gjithe opsionet tona ne te dy rastet", - nenvizoi kreu i partise me te madhe opozitare. Miratimi i kesaj rezolute sipas Rames, eshte nje mundesi per t'u dhene nje hop perpara te dyja reformave te rendesishme dhe njekohesisht kushtezuese per marrjen e fteses. Kreu i PS-se shprehu bindjen se rezoluta do te gjeje mbeshtetje te pakten nga forcat e opozites. "Te pakten nga ana e forcave te opozites nuk do te mungoje angazhimi per te bere gjithcka eshte ne doren tone, qe te marrim ftesen per ne NATO, si rezultat i nje procesi ku se bashku me partneret tane te pazevendesueshem nderkombetare, Shqiperia meriton te finalizoje nje ambicie te kahershme te popullit shqiptar", - u shpreh ai. Rama shtoi se opozita mbetet skeptike lidhur me qendrimin dhe angazhimin e krahut tjeter politik lidhur me kryerjen e reformave integruese. "Eshte e vertete qe ne kemi qene dhe mbetemi skeptike per sa i takon angazhimit te mazhorances, qeverise dhe te kryeministrit, pasi ne vazhdimesi kemi qene se bashku deshmitare te nje fryme deformuese dhe jo reformuese, vecanerisht per sa u takon marredhenieve mes ekzekutivit, mazhorances parlamentare dhe pushtetit gjyqesor", - shtoi ai. Sipas Rames, socialistet i detyrohen Shqiperise dhe shqiptareve angazhim maksimal, per te mos lejuar qe te humbase nje shans historik dhe kjo eshte pjese e filozofise se politikes se re te PS-se. Projektrezoluta qe socialistet do te paraqesin ne Kuvend, do te kerkoje angazhimin e panderprere te te gjitha forcave politike parlamentare per te realizuar reformat e kerkuara dhe rezultate konkrete te tyre ne fushen e lirive dhe te drejtave demokratike. Po ashtu do te kerkohet edhe kapercimi i konfliktit te vazhdueshem politik dhe krijimi i nje klime besimi e bashkepunimi. Nje tjeter pike e saj pritet te jete angazhimi per realizimin e reformes ne drejtesi e ate elektorale, dy reforma qe deri me sot kane mbetur pezull. Socialistet nderkaq vleresuan dje arritjet e deritanishme dhe shprehen mbeshtetje te plote ndaj Forcave te Armatosura. Qe perpara zgjedhjes se Presidentit te Republikes, socialistet kerkuan bashkepunim lidhur me reformat kryesore ne vend, madje e vune kete si nje nder kushtet per te mos shkuar ne zgjedhje te parakohshme. Serish PS-ja behet nismetare e nje tjeter iniciative mirekuptimi per realizimin e reformave integruese. saqellari@korrieri.com