Pëllumbi: Bisedime PD-PS për zgjidhjen e krizës

Sipas Pëllumbit, mazhoanca duhet të diskutojë kushtet e vëna nga socialistët për të bërë transparencën e zgjedhjeve dhe po të jetë nevoja, thotë ai, të dyja palët duhet të tërhiqen për të stabilizuar situatën politike në vend. "Maxhoranca pa opozitën është e dëmtuar", - deklaroi Pëllumbi për Gazetën Shqiptare.

"Do të thosha, të merrej nisma për t'u ulur në tavolinë për të diskutuar, sepse vetëm duke i dhënë përgjigje nëpër konferenca shtypi nuk ka zgjidhje", - tha ai, i pyetur nëse për të arritur në një zgjidhje, duhet patjetër të ketë një takim Rama- Berisha, ashtu siç ka ndodhur në gjithë këto vite kur kërkohet zhbllokim i situatave politike.