PAD: Në Përmet na është marrë një mandat këshilltari
Partia Aleanca Demokristiane paraqiti të shtunën ankimin e saj në KAS, duke kundërshtuar vendimin e KZAZ për miratimin e tabelës përmbledhëse të rezultateve të Këshillit të Bashkisë Përmet, gjatë zgjedhjeve lokale të 14 majit.
PAD pretendon se ka qenë fitues i një mandati për këshilltarë gjatë numërimit të votave në KZAZ deri ditën e martë 16 maj 2023 ora 11. Sipas ankesës pas këtij orari mandati i këshilltarit është fshirë duke i kaluar subjekteve të tjera zgjedhore.
Kjo parti kërkoi me këtë rast rinumërimin dhe rivlerësimin e votave të vlefshme dhe të pavlefshme.
PAD numëron gjithashtu edhe problematika të tjera gjatë zgjedhjeve lokale të 14 majit.
/ rtsh.al /