PD hedh ne takimet e bazes dhe zv.ministrat
Partia Demokratike ka vendosur qe te nxjerre per takime ne baze edhe zv.ministrat e qeverise se drejtuar nga Kryeministri Berisha. Burime prane Kryeministrise bejne te ditur se kreu i ekzekutivit, njekohesisht kryetar i PD-se, ka vendosur qe aktive ne takimet qe perfaqesuesit e partise do te kene me elektoratin e tyre te jene edhe zv/ministrat, nje precedent ky qe ndodh per here te pare. Keshtu, pervec Berishes, krereve te larte te PD-se dhe deputeteve, ne takime me qytetaret e cdo rrethi do te perfshihen edhe zv/ministrat, ndonese ata ne pjesen me te madhe te tyre jane ne pozicione teknike dhe jo teper politike. Kjo shtrirje e gjere e perfaqesuesve te PD-se dhe qeverise ne takime me militantet e kesaj partie, tregon nevojen e nje komunikimi sa me intensiv qe kjo parti duhet te kryeje me votuesit e saj, pas me teper se dy vjet ne pushtet dhe shkeputje nga elektorati per shkak te puneve te shumta ne qeverisje. Pas fitores ne zgjedhjet e pergjithshme te korrikut te vitit 2005, angazhimet e perfaqesuesve kryesore te PD-se duket se kane sjelle nje largim te tyre nga ata qe i zgjodhen 2 vite e gjysme me pare. Por duket se lidershipi i PD-se eshte zotuar se kete vit do te jete afer votuesve te saj ne te gjithe vendin. Keshtu qe, ne ditet e para te muajit janar, perfaqesues te PD-se zbriten drejt disa nga qytete kryesore te vendit per te nisur keshtu nje komunikim sa me te afert me zgjedhesit e tyre. Me aktive ne keto takime ka qene Kryetarja e Kuvendit, njekohesisht nenkryetarja e PD-se, Jozefina Topalli. Topalli ka zhvilluar vizita ne veri te vendit dhe eshte takuar me anetare e simpatizante te PD-se ne Mirdite, Shkoder dhe Malesi te Madhe. Por, ne te njejten kohe, ka zbritur dhe ne jug, ku ka zhvilluar takime ne Fier dhe mendohet te perfshije tere kete zone. Nga ana tjeter aktiv ne takimet e tij ka qene edhe nenkryetari i PD-se, Astrit Patozi, njekohesisht kryetar i Grupit parlamentar te demokrateve, qe ka zbarkuar ne Vlore. Sipas perfaqesuesve te PD-se, takimet intensive me perkrahesit e kesaj force politike do te vazhdojne pergjate gjithe ketij viti.
F.Mejdini