PNUD, projekt per punesimin e romeve
PNUD se bashku me Ministrine e Punes kane hartuar nje projekt te ri per punesimin dhe arsimimin e komunitetit rom. Ky projekt parashikon te shtrihet ne 24 muaj dhe do te mbulohet nga nje buxhet prej 850 mije dollaresh. Nga ky fond do te perfitojne rreth 300 familje, te cilat do te trajtohen me ndihme ekonomike, nderkohe qe mbi 1500 persona, te cilet jane te varfer dhe jetojne nen minimumin jetik, do te perfshihen ne projekte te punesimit. "Te pakten 150 femije rome do te futen ne shkollen fillore, nderkohe qe jane edhe nente projekte infrastrukturore qe do te zbatohen ne zonat e populluara nga romet", thuhet ne projektin e PNUD. Sipas ketij projekti do te jene po 1500 familje egjiptiane, te cilat do te perfitojne nga projektet e zhvillimit te infrastruktures. Nje pike tjeter e rendesishme qe parashikon projekti eshte edhe regjistrimi i tyre. "Komunitetit rom dhe egjiptian ne Shqiperi shpeshhere u mungojne dokumentet baze legale, sic jane certifikatat e lindjes, kartat personale te identifikimit dhe dokumente te tjere", thuhet ne projektin e PNUD. Sipas ligjit shqiptar, parashikohet qe te sapolindurit duhet te regjistrohen brenda 45 diteve. Nese personat nuk e bejne nje regjistrim te tille, procedura kerkon qe me tej familja te marre nje avokat, te paguaje nje shume prej 20 dollaresh dhe te kaloje permes nje procedure gjyqesore per te bere regjistrimin.